Yth esa lorgh poos in y dhorn, esa ev ow trufla ganso; saw ger veth ny worthebys ev, saw yth hevelly ev bos ow coslowes gans perthyans cot. Hag ena, adhesempys, ev a dardhas gans flam uthyk sorr, in udn stankya y droos, ow swaysya y lorgh hag owth omdhon (dell wrug an vowes y dherivas) kepar ha muscok. An den jentyl coth a gemeras udn stap war dhelergh, hag yth esa owth omdhysqwedhes fest sowthenys ha ha nebes offendys inwedh. Gans hedna Mester Hyde a dorras pub finweth ha'y fusta dhe'n dor. An nessa mynysen, yth esa ev kepar hag appa engrys ow trettya y vyctym in dadn droos, hag ow lowsya warnodhow hager-awel a strocosow, mayth esa an eskern ow crackya yn heglew in dadnans ha'n corf ow lebmel war an fordh. -- Whedhel a own uthyk usy ow sowthanas hag owth ancombra y redyoryon. Gwreugh ankevy an versyons scav re wrussowgh why gweles in fylmys, ha somonowgh agas coraj dhe entra i'n own brysoniethel a Jekyll ha Hyde. Y leveryr an novel dhe wharvos in Loundres, saw yth yw pub folen... Это и многое другое вы найдете в книге Cass Coynt Doctour Jekyll ha Mester Hyde (Stevenson Robert Louis)